Organisaatio

Suäʹđjel kåʹdd vaʹsttad Suäʹđjel, Aanar, Muonio, Jeänõõǥǥ da Uccjooǥǥ kooʹddi pirrõs-suõjjlemveʹrǧǧneeʹǩǩ tuâjain. Pirrõs-suõjjlemveʹrǧǧneʹǩǩen tåimmai teeknlaž luʹvddkååʹdd vuâlaž pirrõsjuâǥǥas. 

Pirrõs-suõjjlemveʹrǧǧneeʹǩǩ tuâjjan lij pirrõs-suõjjlem vuåppâm da ooudâs viikkâm diõtt kååʹddest:

1. ââʹnned huõl tõn håiddamnalla lääʹjjest leʹbe tõn nuäjja šiõttuum leʹbe mieʹrruum tuâjain
2. ââʹnned huõl jiijjâs beäʹlnn pirrõs-suõjjlem plaanummšest da ooudâsviikkmõõžžâst;
3. ââʹnned huõl pirrõõzz vueʹjj vuåppmõõžžâst di tõõzz õhttneei čiõlǥtõõzzin da tuʹtǩǩummšin;
4. vuässõõttâd kååʹddest taarbšum pirrõs-suõjjlem kuõskki vuäʹpstummuž da raʹvvjummuž jäʹrjstummšest;
5. uʹvdded ciâlklmid di tuejjeed čuäjtõõzzid ja alttõõzzid pirrõs-suõjjlummša õhttneei aaʹššin jeeʹres veʹrǧǧniiʹǩǩid;
6. ââʹnned huõl jiijjâs beäʹlnn pirrõs-suõjjlem kuõskki teâđtummšest, čuõvtõõzzâst da škooultõõzzâst kååʹddest;
7. ooudâs viikkâd kååʹdd õhttsažtuâj jeeʹres veʹrǧǧniiʹǩǩi da õutstõõzzivuiʹm pirrõs-suõjjlemääʹššest da
8. tuejjeed jeeʹres tõõzz vuäʹpstem-meärrõõzzin mieʹrruum tuâjaid.

Kååʹdd pirrõs-suõjjlemveʹrǧǧneeʹǩǩ tuâjain lij lââʹssen šiõttuum pirrõs-suõjjlemlääʹjjest, njeäʹššlääʹjjest, mäddaaunâslääʹjjest, čääʹcchuâll-lääʹjjest, čääʹcclääʹjjest, luâttjååttlõklääʹjjest da čääʹccjååttlõklääʹjjest. Täk tuâj liâ vueiʹvvääʹššest lååʹpp- da vuåppâmveʹrǧǧneǩtuâj.

Pirrõsjuâkkaz vuäzzla da väärrneeʹǩǩ toiʹmmjempââʹjest 2021-2025:

Suäʹđjel: Juha Karppinen (Marja Kuusela), Lea Aikio (Juha Varis)
Aanar: sj Janne Tervahauta (Miia Kärnä), Anu Avaskari (Ari Seipiharju)
Muonio: Priitta Pöyhtäri-Trøen (Sakari Silén)
Jeänõk: vsj Birgitta Eira (Jarmo Näkkäläjärvi)
Uccjokk: Aulis Nordberg (Sammol Lukkari)

Aarktlaž Lappi pirrõs-suõjjlummuš nåårr persoonteâđaid jeeʹresnallšem veʹrǧǧneǩtuâjai čõõđtem vääras.
Teâttsuõjjčiõlǥtõõzz käunnʼje Suäʹđjel kååʹdd neʹttseeidain tän nalla:

Tietosuojaselosteet -> Tekniset palvelut -> Ympäristönsuojelun kehittämis- ja edistämistehtävien tietovaranto / Ympäristönsuojelun tietovaranto.