Ornijdume

Suáđigil kieldâ västid Suáđigil, Aanaar, Muonio, Iänuduv já Ucjuv kieldâi pirâssuojâlemvirgeomâháá pargoin. Pirâssuojâlemvirgeomâhâžžân tuáimá teknisii lävdikode vuálásâš pirâsjuávus. 

Pirâssuojâlemvirgeomâháá pargon lii pirâssuojâlem kocceem já ovdedem várás kieldâst:

1. huolâttiđ pargoin, moh láá laavâst tâi ton vuáđuld asâttum tâi meridum ton hoittámnáál;
2. huolâttiđ jieijâs uásild pirâssuojâlem vuáváámist já oovdedmist;
3. huolâttiđ pirrâs tile čuávumist sehe toos lohtâseijee čielgiittâsâin já tutkâmušâin;
4. uásálistiđ kieldâst tárbulii pirâssuojâlmân kyeskee stivrim já ravvim orniimân;
5. adeliđ ciälkkámušâid sehe toohâđ iävtuttâsâid já alguid pirâssuojâlmân lohtâseijee aašijn nubbijd virgeomâháid;
6. huolâttiđ jieijâs uásild pirâssuojâlmân kyeskee tieđeetmist, čuovviimist já škovliimist kieldâst;
7. ovdediđ kieldâ oovtâstpargo nuubij virgeomâháiguin já siärváduvâiguin pirâssuojâlemääšist sehe
8. porgâđ eres pargoid, moh láá meridum toos jođettemnjuolgâdussáin.

Kieldâ pirâssuojâlemvirgeomâháá pargoin lii toos lasseen asâttum pirâssuojâlemlaavâst, pasâttâslaavâst, eennâmamnâslaavâst, čäcihuolâttâslaavâst, čäcilaavâst, meccijotolâhlaavâst já čäcijotolâhlaavâst. Taah pargoh láá iänááš lope- já kocceemvirgeomâhâšpargoh.

Pirâsjuáhus jesâneh já värijesâneh toimâpaajeest 2021-2025:

Suáđigil: Juha Karppinen (Marja Kuusela), Lea Aikio (Juha Varis)
Aanaar: sj Janne Tervahauta (Miia Kärnä), Anu Avaskari (Ari Seipiharju)
Muonio: Priitta Pöyhtäri-Trøen (Sakari Silén)
Iänudâh: vsj Birgitta Eira (Jarmo Näkkäläjärvi)
Ucjuuhâ: Aulis Nordberg (Sammol Lukkari)

Árktalaš Lappi birassuodjalanguovlu čoaggá persovdnadieđuid earálágan eiseváldebargguid čađaheami várás. Diehtosuodječilgehusat gávdnojit Soađegili gieldda neahttasiidduin čuovvovaččat:

Tietosuojaselosteet -> Tekniset palvelut -> Ympäristönsuojelun kehittämis- ja edistämistehtävien tietovaranto / Ympäristönsuojelun tietovaranto.