Meahccejohtolatláhka
Meahccejohtolatlága mielde mohtoriin doaibmi fievrruin lágiduvvon gilvvuid ja hárjehusaid jeavddalaš dahje fásta ordnemii seammá eanadagas galgá ohcat gieldda birassuodjalanvirgeoapmahačča lobi. Lobi ii goittotge dárbbaš dán dárkkuhusa várás sajádatlávas várrejuvvon guvlui dahje juo guvlui, gosa lea addon birassuodjalanlágas dárkkuhuvvon biraslohpi.
Eanadagain dárkkuhuvvojit eanaviidodat ja čázádat, mii lea jikŋon. Maiddái ovttaskas dáhpáhusa ordnemii galgá ohcat lobi, jos dáhpáhus sáhttá dagahit mearkkašahtti hehttehusaid lundui, eará birrasii, ássamii, dábálaš lustageavahussii, guollebivdui dahje eará oktasaš dahje priváhta ovdui.
Doaimma lágideapmái galgá leat guovllu eaiggáda dahje hálddašeaddji miehtan. Lohpi ohccojuvvo birassuodjalanvirgeoapmahaččas ohcanskoviin, man gávnnat siiddu olgeš ravddas. Ohcamuš doaimmahuvvo girjenkantuvrii.
Birassuodjalanvirgeoapmahaš vástida maiddái doaibmaguovllu gielddaid meahccejohtolatlága mieldásaš mohtorgielkámáđijaid máđidjaplánaid dohkkeheamis ja maiddái máđijaid gaskaboddosaš dahje uhcánaš sirdimiin.
Meahccejohtolaga bearráigeahččamii laktáseaddji áššiin oktavuođaváldimiid galgá čujuhit Lappi poleslágádussii dahje stáhta eana- ja čáhceviidodagaid oasil Meahciráđđehusa bivdobearráigehččui.
Čáhcejohtolatláhka
Čáhcejohtolatlága mielde mohtoriin doaibmi čáhcefievrruin lágiduvvon gilvvuid, hárjehusaid dahje eará dáhpáhusaid jeavddalaš dahje fásta ordnemii seammá čáhceviidodagas galgá ohcat gieldda birassuodjalanvirgeoapmahačča lobi. Lobi ii goittotge dárbbaš dán dárkkuhusa várás sajádatlávas várrejuvvon guvlui iige guvlui, gosa lea addon birassuodjalanlágas dárkkuhuvvon biraslohpi.
Lobi galgá ohcat maiddái ovttaskas dáhpáhusa lágideapmái, jos dáhpáhus sáhttá dagahit mearkkašahtti birashehttehusaid. Lobi lea vejolaš mieđihit dušše, jos čáhceviidodagas oamasteaddji lea addán dasa miehtama. Lohpi ohccojuvvo birassuodjalanvirgeoapmahaččas ohcanskoviin, man gávnnat siiddu olgeš ravddas.
Olgolihkadanláhka
Árktalaš Lappi birassuodjaleapmi doaibmá olgolihkadanlágas dárkkuhuvvon gohttensadjevirgeoapmahažžan doaibmaguovllus. Gohttensaji vuođđudeamis galgá maŋimustá 3 mb ovdal doaimma álggaheami bargat almmuhusa gieldda gohttensadjevirgeoapmahažžii.
Almmuhusa sáhttá bargat friijahápmásažžan. Almmuhus galgá sisttis doallat dárbbašlaš dieđuid gohttensaji doallis ja guovllu sajádagas ja maiddái doaimma luonddus ja viidodagas.
Čáhceláhka
Čáhcelágas dárkkuhuvvon áššit gullet váldoáššis eará virgeoapmahaččaide. Gieldda birassuodjalanvirgeoapmahačča doaibmaváldái gullet dállodoalločázi geavaheami ráddjen ja maiddái goivvohagaid roggan, olggobeallái báhcet čáhceviidodaga billašuvvamii guoski rávarokkiid goaivumat, ja čáhcedoallofidnut ja rávarokkiid goaivunáššit.