Organisašuvdna

Soađegili gielda vástida Soađegili, Anára, Muonio, Eanodaga ja Ohcejoga gielddaid birassuodjalanvirgeoapmahačča bargguin. Birassuodjalanvirgeoapmahažžan doaibmá teknihkalaš lávdegotti vuollásaš birasjuogus.

Birassuodjalanvirgeoapmahačča bargun lea birassuodjaleami gohcima ja ovddideami dihte gielddas:

1. fuolahit bargguin, mat leat lágas dahje dan vuođul ásahuvvon dahje mearriduvvon dan fuolaheami vuollái,
2. fuolahit iežas dáfus birassuodjaleami plánemis ja ovddideamis;
3. fuolahit birrasa dili čuovvumis ja maiddái dasa laktáseaddji čielggadusain ja dutkamušain;
4. oassálastit gielddas dárbbašuvvon birassuodjaleami guoski bagadallama ja rávvema ordnemii;
5. addit cealkámušaid ja dahkat evttohusaid ja álgagiid áššiin, mat laktásit birassuodjaleapmái, eará virgeoapmahaččaide
6. fuolahit iežas dáfus birassuodjaleami guoski diehtojuohkimis, informeremis ja skuvlemis gielddas;
7. ovddidit gieldda oktasašbarggu eará virgeoapmahaččaiguin ja servošiiguin sihke
8. bargat eará bargguid, mat leat mearriduvvon dasa jođihannjuolggadusas.

Gieldda birassuodjalanvirgeoapmahačča bargguin lea lassin ásahuvvon birassuodjalanlágas, bázahuslágas, eanaávnnaslágas, čáhcefuolahuslágas, čáhcelágas, meahccejohtolatlágas ja čáhcejohtolatlágas. Dát barggut leat váldoáššis lohpeáššiid ja bearráigeahččodoaimmaid guoski virgeoapmahašbarggut.

Birasjuhkosa lahtut ja várrelahtut doaibmabaji 2021-2025 áigge:

Soađegilli: Juha Karppinen (Marja Kuusela), Lea Aikio (Juha Varis)

Anár: sj Janne Tervahauta (Miia Kärnä), Anu Avaskari (Ari Seipiharju)

Muonio: Priitta Pöyhtäri-Trøen (Sakari Silén)

Eanodat: vsj Birgitta Eira (Jarmo Näkkäläjärvi)

Ohcejohka: Aulis Nordberg (Sammol Lukkari)

Árktalaš Lappi birassuodjalanguovlu čoaggá persovdnadieđuid earálágan eiseváldebargguid čađaheami várás. Diehtosuodječilgehusat gávdnojit Soađegili gieldda neahttasiidduin čuovvovaččat:

Tietosuojaselosteet -> Tekniset palvelut -> Ympäristönsuojelun kehittämis- ja edistämistehtävien tietovaranto / Ympäristönsuojelun tietovaranto.