Biraslohpi
Biraslobi vuollásaš doaimmat gávdnojit birassuodjalanlágas. Ohcamuššii galgá laktit ášši gieđahallama várás dárbbašlaš čielggadusaid dan mielde go birassuodjalanásahusas lea ásahuvvon. Biraslobiid dárkilut ohcanrávvagiid ja ohcanskoviid gávnnat birashálddahusa oktasaš neahttabálvalusas.
Registrerenalmmuhus
Doaimmat, mat registrerejuvvojit, leat eanaš boaldámušfámu dáfus vuollái 50 MW:a energiijabuvttadanlágádusat, golgoslágan boaldámušaid juohkinstašuvnnat ja asfáltastašuvnnat. Dan lassin birassuodjalanlága čuvvosis 2 máinnašuvvon kemihkalaš buhtástagaid ja maiddái doaimmaid, mat geavahit orgánalaš luvvenávdnasiid, galgá registreret.
Doaimma, mii eaktuda registrerenalmmuhusa sáhttá álggahit, go gieldda birassuodjalanvirgeoapmahaš lea registreren doaimma dahje juo almmuhusa guođđimis lea gollan 30 – 60 beaivve, doaimma mielde. Registreremis berrojuvvo máksu. Dárkilut registrerenalmmuhusrávvagiid ja skoviid gávnnat birashálddahusa oktasaš neahttabálvalusas.
Doaimma, mii dagaha vála dahje spargima, guoski almmuhus
Birassuodjalanlága 118 §:a mielde doaimmahárjeheaddji galgá bargat gieldda birassuodjalanvirgeoapmahažžii čálalaš almmuhusa gaskaboddosaš vála dahje spargima dagaheaddji doaibmabijus dahje dáhpáhusas. Almmuhusa galgá guođđit maŋimustá 30 jnd ovdal doaimma álggahanáiggi. Dárkilut rávvagiid ja almmuhanskoviid gávnnat birashálddahusa oktasaš neahttabálvalusas.
Birassuodjalanlága mieldásaš almmolaš almmuhanmeannudeapmi
Doaimma almmuhangeatnegasvuođas ásahuvvo birassuodjalanlága 115 a §:s ja almmuhanvuloš doaimmat leat logahallon lága čuvvosis 4. Almmuhusa galgá guođđit doaibmaválddálaš virgeoapmahažžii maŋimustá 120 beaivve ovdal doaimma plánejuvvon álggaheami. Lassidieđut gávdnojit birashálddahusa oktasaš neahttabálvalusas.