Birassuodjalanvirgeoapmahaš háliida muittuhit biebmoealliid baikkaid áššáigullevaš gieđahallamis. Bázahuslága 72 §:a mielde birrasii ii oaččo guođđit ruskkaid, hilgut mašiinna, rusttega, fievrru, fatnasa dahje eará dávvira iige luoitit golgosa nu, ahte dat sáhttá dagahit nuoskuma, duovdaga ropmuma, guoibmáivuođa geahppáneami, olbmo dahje ealli lápmašuvvanvára dahje eará vára dahje hehttehusa, man sáhttá daidda buohtastahttit (ludnengielddus). Bázahuslága 73 §:a mielde ludnejeaddji galgá eret váldit bázahusdávvira dahje -ávdnasa birrasis.
Biebmoealliid baika gehččojuvvo bázahuslága mieldásaš bázahussan. Baikkaid ii oaččo guođđit geahppajohtalusgeainnuid gurrii dahje eará sadjái lundui. Bázahuslága mielde biebmoealliid earániid galgá čoaggit ja doaimmahit seahkalasruskalihttái dahje iežas komposterejeaddjái. Baikka ii oaččo bidjat bioluotnelihttái.